समाचार

राजविराज, ७ भदौ २०८३,  सप्तरीको शम्भुनाथ नगरपालिका –३ ट्राफिक बजारमा दुई वर्षीया बालिका आइतबार बिहान मृत अवस्थामा फेला परेकी छन् । स्थानीय मो. इरफानकी छोरी खुसी खातुन घरबाट हराएको सूचना प्राप्त भएपछि प्रहरीले आफन्त र स्थानीयवासीको सहयोगमा खोजतलास गर्दा घरपछाडि मृत अवस्थामा भेटिएकी हुन् । जिल्ला प्रहरी कार्यालय सप्तरीका सूचना अधिकारी प्रहरी नायब उपरीक्षक हेमराज घिमिरेका अनुसार घटनास्थलको कानुनी प्रक्रिया पूरा गरी शव परीक्षणका लागि पठाउने तयारी भइरहेको छ । स्थानीयले बालिकाको मृत्युमा सौतेनी आमाको संलग्नता हुनसक्ने आशंका गरेका छन् । यद्यपि, यसबारे प्रहरीले अनुसन्धान भइरहेको जनाएको छ । प्रनाउ घिमिरेले शव परीक्षणको प्रतिवेदन तथा अनुसन्धानबाट मात्रै घटनाको वास्तविक कारण र विस्तृत विवरण खुल्ने बताउनुभयो । मृतक बालिकाका बुवा वैदेशिक रोजगारीमा रहेको प्रहरीले जनाएको छ ।

मुक्तिनाथ (मुस्ताङ) २७ साउन २०८३, मुस्ताङमा अनलाइन तथा सामाजिक सञ्जालमार्फत ठगी हुने क्रम बढ्दै गएको छ । उपहार, चिट्ठा तथा सस्तो मूल्यमा महँगा सामान पाइने प्रलोभनमा परी सर्वसाधारणले रकम गुमाउने गरेका छन् । थासाङ गाउँपालिका–३ का राकेश गौचन आकर्षक उपहारको प्रलोभनमा परी २१ हजार रुपियाँ गुमाउनुभयो । तराईमा बस्ने अजयकुमार दासलाई पठाएको उक्त रकम अहिलेसम्म फिर्ता भएको छैन । थासाङ गाउँपालिका–५, ताक्लुङका अजय विकले सस्तो मूल्यमा विद्युतीय स्कुटर खरिद गर्ने भन्दै प्रतिमकुमार सिंहलाई आठ हजार पाँच सय रुपियाँ पठाउनुभयो । यस्तै, बागलुङको निसीखोला गाउँपालिका–३, बुर्तिबाङ घर भई हाल मुस्ताङमा बस्दै आएका विवश चौधरी आइफोन उपहार परेको भन्दै पाँच हजार रुपियाँ भन्सार शुल्क पठाएपछि सम्पर्कविहीन भएको भन्दै प्रहरीमा निवेदन दिनुभएको छ । उपहारका लागि उहाँलाई ५० हजार रुपियाँ पठाउनुपर्ने भनिएको थियो । चालु आर्थिक वर्ष २०८३/८४ को साउन महिनामा जिल्ला प्रहरी कार्यालय मुस्ताङमा अनलाइन ठगीसम्बन्धी तीन वटा उजुरी दर्ता भएका छन् । गत आर्थिक वर्ष २०८२/८३ मा सामाजिक सञ्जाल, बैङ्किङ कारोबार, अनलाइन सपिङ तथा पेमेन्ट, चिट्ठा, स्क्याम र विभिन्न अनलाइन गेमका नाममा ३२ जना ठगीमा परी १० लाख रुपियाँभन्दा बढी गुमाएको जिल्ला प्रहरी कार्यालयले जनाएको छ । जिल्लामा आर्थिक वर्ष २०८०/८१ मा दुई वटा र आर्थिक वर्ष २०८१/८२ मा २१ वटा अनलाइन ठगीसम्बन्धी उजुरी दर्ता भएको जिल्ला प्रहरी कार्यालय मुस्ताङका सूचना अधिकारी…

काठमाडौँ २७ साउन २०८३, सरकारले विभिन्न सरकारी कार्यालयमा सेवाग्राहीले पेस गर्ने निवेदनको ढाँचामा एकरूपता ल्याउन र सेवा प्रवाहलाई सूचना प्रविधिमैत्री बनाउन महत्त्वपूर्ण कदम चालेको छ। प्रधानमन्त्री तथा मन्त्रीपरिषद्को कार्यालयले ‘सरकारी कार्यालयमा प्रयोग हुने निवेदनको ढाँचा तथा सोको कार्यान्वयन मार्गदर्शन, २०८३’ स्वीकृत गरी देशैभरका सरकारी निकायमा यसको प्रभावकारी कार्यान्वयनका लागि निर्देशन जारी गरेको हो। यो मार्गदर्शन लागू भएसँगै विभिन्न सरकारी कार्यालयबाट सेवा प्राप्त गर्न पेस गरिने निवेदनको ढाँचामा रहेको विविधता र अन्योल हटेर देशैभर एउटै र निश्चित ढाँचा कायम हुने भएको छ। यसले सार्वजनिक सेवा प्रवाहलाई सरल, सहज, प्रभावकारी र नागरिकमैत्री बनाउनुका साथै परम्परागत कागजमा आधारित निवेदन प्रक्रियालाई क्रमशः डिजिटल माध्यमबाट समेत प्रयोग गर्न सकिने गरी सूचना प्रविधिमा आधारित बनाउनेछ। यस व्यवस्थाको पूर्ण कार्यान्वयनसँगै अब नागरिकले सरकारी कार्यालयपिच्छे फरक–फरक तरिकाले निवेदन लेख्नुपर्ने वा अन्योलमा पर्नुपर्ने अवस्थाको अन्त्य हुने अपेक्षा गरिएको छ। साथै, आवेदनहरू डिजिटल ढाँचामा समेत उपलब्ध हुने भएकाले भविष्यमा सरकारी सेवाहरू अनलाइन वा मोबाइल एपमार्फत सहजै लिन सकिने बाटो खुलेको छ। यसले ‘डिजिटल नेपाल’को परिकल्पनालाई थप बल पुर्‍याउने विश्वास लिइएको छ। यसका साथै, सरकारी आवेदन भर्न सेवाग्राहीलाई हुने झन्झट अन्त्य गर्दै कार्यालय परिसरमा रकम असुल्ने उद्देश्यले हुने अनधिकृत सेवा सहजीकरणलाई निरुत्साहित गर्न पनि यो मार्गदर्शनले महत्त्वपूर्ण भूमिका खेल्नेछ। मार्गदर्शनको प्रभावकारी कार्यान्वयनको मुख्य जिम्मेवारी सम्बन्धित कार्यालय प्रमुखलाई नै तोकिएको छ। 

खुलामञ्चमा विश्व आदिवासी दिवश मनाइयो, प्राप्त भएकै अधिकार गुम्ने राजनीतिक दलका नेताहरुको चिन्ता विभिन्न राजनीतिक दलका नेताहरुले संविधान तथा कानुनमा आदिवासीले प्राप्त गरेको अधिकार गुम्ने खतरा रहेको बताउनु भएको छ । आइतबार नेपाल आदिवासी जनजाति महासङ्घले राजधानीको खुलामचमा आयोजना गरेको ३२ औँ विश्व आदिवासी दिवसको कार्यक्रममा शुभकामना मन्तव्य राख्दै प्रमूख प्रतिपक्षी दल नेपाली काँग्रेस, नेकपा एमाले र नेपाल कम्युनिष्ट पार्टीका नेताहरुले एक स्वरमा यस्तो धाराणा राखेका हुन् । प्रतिनिधि सभामा नेपाली कांग्रेसका संसदीय दलका नेता भीष्मराज आङ्देम्बेले संविधान संशोधनको बहानामा पप्त अधिकार पनि खोसिने खतरा रहेको बताउनु भयो । उहाँले धर्मनिरपेक्षता, प्रादेशिक संरचना, समानुपातिक तथा समावेशी व्यबस्था आदिवासीले पाएको उपलव्धीका रुपमा चर्चा गर्दै यसमाथि कार्यकारी निकायको गतिविधिबाट कालो बादल छाएको टिप्पणी गर्नू भयो ।  उहाँले विगतमा राजनीतिक दलले आदिवासी, मधेसी, मुस्लिम, थारु, दलितसँग गरिएको प्रतिबद्धता पुरा गर्न बाँकी रहेको चर्चा गर्नु हुँदै भीडले सिर्जना गरेको भाष्य सधैभरी जायज नहुने तर्क गर्नू भयो । नेकपा (एमाले)का उपाध्यक्ष पृथ्वीसुब्बा गुरुङले सरकारबाट सङ्घीय शासन प्रणालीमा प्रहार भइरहेको भन्नुहुँदै यसका विरुद्ध प्रतिवाद गर्न एकताबद्ध हुनुपर्ने बताउनुभयो । उहाँले एमालेसहित, नेपाली कांग्रेस, तत्कालीन माओवादी केन्द्र र मधेसवादी दलको लामो सङ्घर्षबाट देशमा सङ्घीय लोकतन्त्र स्थापना भएको भनाइ राख्नुभयो । महासङ्घका संस्थापक महासचिव एवम् राष्ट्रिय सभा सदस्य सुरेश आले मगरले पनि सङ्घीयतामथि प्रहार भइरहेकोले सङ्घर्ष अझै जारी रहेको भनाइ राख्नुभयो…

काठमाडौँ, २४ साउन २०८३, । हाल देशभर मनसुनी वायुको प्रभाव रहेको छ । जल तथा मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानको आसपास रहेको छ । देशभर साधारणतया बादल लागेको छ । बागमती र गण्डकी प्रदेशका केही स्थानमा तथा कोशी, लुम्बिनी र कर्णाली प्रदेशका केही स्थानमा हल्कादेखि मध्यम वर्षा भइरहेको छ । महाशाखाका अनुसार आज दिउँसो देशभर साधारणतया बादल लाग्नेछ । देशको हिमाली भागका केही स्थानमा मध्यमसम्मको वर्षा तथा हिमपातको सम्भावना छ । देशका पहाडी भागका धेरै स्थानमा मध्यमसम्मको वर्षाको सम्भावना छ । लुम्बिनी, सुदूरपश्चिम, मधेस, कोशी, बागमती र गण्डकी प्रदेशका तराई भागका केही स्थानमा मध्यम वर्षाको सम्भावना छ । कोशी, बागमती र गण्डकी प्रदेशका हिमाली तथा पहाडी भागका साथै कर्णाली प्रदेशको पहाडी भाग र लुम्बिनी प्रदेशका पहाडी तथा तराई भागका एकदुई स्थानमा भारी वर्षाको सम्भावना रहेको महाशाखाले जनाएको छ । यसैगरी, आज राति देशभर साधारणतया बादल लाग्नेछ । देशको हिमाली भागका केही स्थानमा वर्षा तथा हिमपातको सम्भावना छ । कोशी, गण्डकी, लुम्बिनी र सुदूरपश्चिम प्रदेशका पहाडी तथा तराई भागका धेरै स्थानमा मध्यमसम्मको वर्षाको सम्भावना छ । मधेस प्रदेश साथै कर्णाली प्रदेशको पहाडी भाग तथा बागमती प्रदेशका पहाडी र तराई भागका केही स्थानमा मध्यमसम्मको वर्षाको सम्भावना छ । कोशी, गण्डकी र सुदूरपश्चिम प्रदेशका पहाडी तथा तराई भागका साथै…

काठमाडौँ, २२ साउन २०८३ । देशभर मनसुनी वायुको प्रभाव कायम रहेकाले शुक्रबार पनि अधिकांश स्थानमा वर्षाको सम्भावना  छ । जल तथा मौसम पूर्वानुमान महाशाखाका अनुसार हाल मनसुनको न्यून चापीय रेखा पूर्वी क्षेत्रमा सरदर स्थानको आसपास तथा पश्चिमी क्षेत्रमा सरदर स्थानभन्दा केही उत्तरतर्फ रहेको छ । हाल बागमती, गण्डकी र सुदूरपश्चिम प्रदेशका साथै कोशी, लुम्बिनी र कर्णाली प्रदेशका पहाडी भागमा साधारणतया बदली भएको छ । मधेश प्रदेश तथा कोशी र लुम्बिनी प्रदेशका तराई भेगमा आंशिक बदली भएको छ । बागमती र कर्णाली प्रदेशका केही  तथा कोशी, बागमती, लुम्बिनी र सुदूरपश्चिम प्रदेशका एकदुई स्थानमा हल्का वर्षा भइरहेको छ । महाशाखाका अनुसार आज दिउँसो देशभर साधारणतया बदली रहनेछ । देशका हिमाली तथा पहाडी भागका केही स्थानमा मध्यम वर्षा तथा उच्च हिमाली क्षेत्रमा हिमपातको सम्भावना  छ । तराईका केही स्थानमा पनि मध्यम वर्षा हुन सक्ने पूर्वानुमान  छ । यसैगरी, राति पनि देशभर साधारणतया बदली रहनेछ । कोशी, बागमती, गण्डकी  लुम्बिनी, कर्णाली र सुदूरपश्चिम प्रदेशका पहाडी क्षेत्रका केही स्थानमा मध्यम वर्षाको सम्भावना छ । साथै हिमाली भागका केही स्थानमा वर्षा वा हिमपात हुन सक्ने महाशाखाले जनाएको छ । तराईका केही स्थानमा मध्यम वर्षाको सम्भावना छ । महाशाखाले वर्षाका कारण गेग्रान बहाव, बाढी, पहिरो तथा भूक्षयजस्ता विपद्को जोखिम बढ्न सक्ने भएकाले सतर्कता अपनाउन आग्रह गरेको छ ।…

काठमाडौँ, साउन १९ गते । देशभर मनसुनी वायुको प्रभाव मङ्गलबार पनि कायम रहेको छ । हाल मनसुनको न्यून चापीय रेखा सरदर स्थानभन्दा केही उत्तरतर्फ नेपालको तराई भूभाग नजिक रहेको छ । मनसुनी वायुको प्रभाव कायम रहँदा देशभर बादल लाग्ने जल तथा मौसम विज्ञान विभागले जनाएको छ । विभागका अनुसार हिमाली भागका केही स्थानमा मध्यम वर्षा तथा हिमपातको सम्भावना छ भने पहाडी भेगका धेरै र तराईका केही स्थानमा हल्कादेखि मध्यम वर्षा हुने अनुमान गरिएको छ । देशका पहाडी भू–भागका धेरै स्थानमा मेघगर्जन/चट्याङसहित मध्यमसम्मको वर्षाको सम्भावना छ भने तराई भू–भाग केही स्थानमा मेघगर्जनरचट्याङसहित मध्यमसम्मको वर्षाको सम्भावना रहेको विभागले जनाएको छ । विभागद्वारा जारी विज्ञप्तिका अनुसार कोशी, बागमती र गण्डकी प्रदेशका हिमाली र पहाडी भू–भाग तथा लुम्बिनी र सुदूरपश्चिम प्रदेशको पहाडी र तराई भू–भागका एकदुई स्थानमा भारी वर्षाको सम्भावना छ । आज राति पनि देशभर सामान्यदेखि पूर्ण बदली रहने पूर्वानुमान गरिएको छ । कोशी, बागमती, गण्डकी प्रदेशको हिमाली  भू–भागका केही स्थान तथा लुम्बिनी,  कर्णाली र सुदूरपश्चिम प्रदेशको हिमाली भू–भागको थोरै स्थानमा मध्यमसम्मको वर्षा÷हिमपातको सम्भावना रहेको विभागले जनाएको छ । कोशी, बागमती, गण्डकी र लुम्बिनी प्रदेशका पहाडी र तराई भू–भाग साथै मधेश प्रदेशका धेरै स्थानमा मेघगर्जन/चट्याङसहित मध्यमसम्मको वर्षाको सम्भावना छ भने कर्णाली प्रदेशका पहाडी भू–भाग र सुदूरपश्चिम प्रदेशका पहाडी र तराई भू–भागका केही स्थानमा  मेघगर्जनरचट्याङसहित…

काठमाडौं, २९ जेठ २०८३ । नेपाली कांग्रेसको क्रियाशील सदस्यता अद्यावधिक गर्न योग्य कुल सात लाख ८२ हजार २०९ सदस्यहरूमध्ये पाँच लाख ३८ हजार ६२२ जनाले क्रियाशील सदस्यता प्राप्त गरेका छन् ।  एक लाख ४९ हजार ३०९ जनाले स्वयं अद्यावधिक फारम पेस गरी वडा सभापतिमार्फत अद्यावधिक कार्यको प्रक्रियामा रहेको कार्यवाहक मुख्यसचिव कृष्णप्रसाद दुलालले जानकारी दिए ।  इन्टरनेटको पहुँचभन्दा बाहिर रहेका उच्च हिमाली क्षेत्रका केही जिल्ला, विकट पहाडी भूभाग, बारा र खोटाङ जिल्ला तथा नेपाली कांग्रेससँग आबद्ध विदेशस्थित नेपाली जनसम्पर्क समितिहरूमा जारी अद्यावधिक कार्यलाई थप व्यवस्थित गरिने उनको भनाइ छ । नयाँ क्रियाशील सदस्यता वितरण कार्य अर्को सूचना जारी नभएसम्मका लागि खुला रहने कांग्रेसले जनाएको छ । जेठ २१ गते पहिलोपटक थपिएको म्याद सकिएपछि जेठ २८ गते राति १२ बजेसम्म थप गरिएको थियो । संगठनलाई थप सुदृढ, व्यवस्थित र प्रविधिमा आधारित बनाउने उद्देश्यका साथ सञ्चालन भएको क्रियाशील सदस्यता अद्यावधिक कार्यमा देशभर उत्साहजनक रूपमा अधिकांश क्रियाशील सदस्यहरूको उल्लेखनीय सहभागिता रहेको कांग्रेसले जनाएको छ ।