विश्व Archives

४ हप्ता अगाडि ४ हप्ता अगाडि

एआई पूर्वाधारबाट भारतीय उद्योगलाई ठूलो अवसर

विश्व, समाचार

मुम्बई,२२ साउन २०८३ । कृत्रिम बौद्धिकता (एआई) पूर्वाधार विस्तारका लागि विश्वभर तीव्र गतिमा निर्माण भइरहेका डाटा सेन्टरले भारतका केबल, विद्युत प्रणाली, फाइबर-अप्टिक र कुलिङ उपकरण उत्पादक कम्पनीलाई उल्लेखनीय व्यावसायिक अवसर दिलाएका छन् । विश्वस्तरीय एआई मोडेल विकासमा भारत पछाडि परे पनि त्यसका लागि आवश्यक पूर्वाधार आपूर्ति गर्ने उद्योग भने तीव्ररूपमा लाभान्वित भइरहेका छन् । पश्चिम भारतस्थित स्टरलाइट टेक्नोलोजीको कारखानामा प्राविधिक चौबीसै घण्टा डाटा सेन्टरका लागि आवश्यक कपालभन्दा पनि पातलो फाइबर-अप्टिक केबल उत्पादनमा व्यस्त छन् । कम्पनीका प्रबन्ध निर्देशक अङ्कित अग्रवालले एआई पूर्वाधार विस्तारलाई आफ्नो उद्योगका लागि ‘जीवनमा एक पटक आउने अवसर’ भएको बताउनुभयो । उहाँका अनुसार विश्वका ठूला प्रविधि कम्पनीको बढ्दो मागले कम्पनीको व्यवसायको स्वरूप नै परिवर्तन गरिरहेको छ । विश्लेषकले यसलाई ‘पिक एन्ड शोभल’ रणनीतिसँग तुलना गरेका छन् । यस रणनतिमा सुन खोज्नेभन्दा आवश्यक उपकरण बेच्नेले बढी लाभ कमाउने अवस्था सिर्जना हुन्छ । भारतले अत्याधुनिक एआई चिप वा विश्वस्तरीय मोडेल विकासमा अग्रता नलिएको भए पनि त्यसका लागि आवश्यक केबल, ट्रान्सफर्मर, स्विचगियर, कुलिङ प्रणाली र विद्युत पूर्वाधार आपूर्ति गर्ने क्षेत्रमा बलियो उपस्थिति बनाएको छ । श्रीराम एएमसीका कोष प्रबन्धक प्रतीक निगुडकरका अनुसार भारतले एआई चिप उत्पादन वा मोडेल प्रशिक्षण नगरे पनि प्रत्येक डाटा सेन्टरका लागि आवश्यक उपकरण उत्पादन गर्ने क्षमता हासिल गरिसकेको छ । यही कारण भारतीय उत्पादक अहिले विश्वव्यापी आपूर्ति…

पूरा पढ्नुहोस् ...

३ महिना अगाडि ३ महिना अगाडि

उच्च टिकट मूल्य, भिसा विवाद र राजनीतिक संवेदनशीलताले तात्यो विश्वकप

Explore News, विश्व

मेक्सिको सिटी, २८ जेठ २०८३ । उच्च टिकट मूल्य, भिसा विवाद र राजनीतिक संवेदनशीलताबिच मेक्सिको सिटीको ऐतिहासिक एस्टाडियो एजटेकामा दक्षिण अफ्रिका र सह आयोजक मेक्सिकोबिचको खेलसँगै ४८ टोली सहभागी विश्वकपको सुरुवात आज राति हुँदैछ । करिब छ सातासम्म चल्ने यो प्रतियोगिता संयुक्त राज्य अमेरिका, मेक्सिको र क्यानाडाको संयुक्त आयोजनामा भइरहेको हो । प्रतियोगिताको फाइनल जुलाई १९ मा अमेरिकाको न्युजर्सीमा हुनेछ । फिफाका अनुसार यो संस्करण इतिहासकै सबैभन्दा ठूलो विश्वकप हो । प्रतियोगिताबाट करिब १३ अर्ब अमेरिकी डलर बराबरको राजस्व उठ्ने अनुमान गरिएको छ । तर प्रतियोगिता सुरु हुनुअघि नै टिकट मूल्य अत्यधिक भएको भन्दै आलोचना तीव्र बनेको छ भने अमेरिकाको कडा अध्यागमन नीतिका कारण खेलाडी, रेफ्री र समर्थकहरूलाई भिसासम्बन्धी समस्या भएको रिपोर्ट सार्वजनिक भएको छ । फिफा अध्यक्ष जियानी इन्फान्टिनोले मेक्सिको सिटीमा प्रतियोगिताको उद्घाटन अवसरमा बोल्दै आलोचनालाई अस्वीकार गर्नुभएको छ । उहाँका अनुसार टिकट मूल्यमा विविधता राखिएको र केही खेलका लागि ६० डलरसम्मका सस्तो टिकट उपलब्ध गराइएको छ भने केही प्रिमियम टिकटको मूल्य ३० हजार डलरसम्म पुगेको छ । औसत टिकट मूल्य ५०० डलरभन्दा कम रहेको भन्दै उहाँले यसलाई अमेरिकी खेलकुद घटनामध्ये तुलनात्मक रूपमा सुलभ भएको दाबी गर्नुभयो । भिसा विवादबारे टिप्पणी गर्दै इन्फान्टिनोले सोमाली रेफ्री ओमार आर्टनको घटनालाई ‘दुर्भाग्यपूर्ण’ भन्नुभएको छ । सुरक्षा चिन्ताका कारण उनलाई संयुक्त राज्य अमेरिकामा प्रवेश…

पूरा पढ्नुहोस् ...

४ महिना अगाडि ४ महिना अगाडि

विश्वकप उपाधिमा युरोप र ल्याटिन अमेरिकी राष्ट्रकै दबदबा, कसले कतिपटक जिते ?

खेलकुद, विश्व

काठमाडौं, ३ जेठ २०८३ । फिफा विश्वकप २०२६ जुन ११ देखि पटक तीन फरक देशमा संयुक्त रुपमा आयोजना हुन लाग्दा अहिलेसम्मकै सर्वाधिक ४८ राष्ट्रले प्रतिस्पर्धा गर्दैछन् । पहिलो पटक ४८ राष्ट्र सहभागी हुँदा विश्वकपको अवधि लम्बेर ३९ दिन पुगेको छ भने खेलपनि अहिलेसम्मकै धेरै १०४ खेल हुनेछ । यस्तोमा विश्वकपमा कस्तो प्रतिस्पर्धा होला, कुन टिमले उपाधि जित्ला, कुन टिमले अप्रत्यासित नतिजा ल्याउला, को उत्कृष्ट खेलाडी बन्ला भन्ने जिज्ञासा सबैको मनमा छ । त्यसमा पनि सबैभन्दा मुख्य कौतुहलता नै विश्वकप कसले जित्ला भन्ने नै हुन्छ । त्यसमा युरोप वा दक्षिण अमेरिकी टिममध्ये नै कुनै एकले जित्ने सम्भावना बढी हुन्छ । अहिलेसम्म एसिया र दक्षिण अफ्रिकाबाट एक-एक टिम मात्र सेमिफाइनलसम्म पुग्न सकेका छन् । युरोप र दक्षिण अमेरिका बाहिरका टिमहरूले विश्वकप जित्न अझै केही वर्ष कुर्नुपर्ने देखिन्छ । यस पटक टिम संख्या बढ्दा कतै नयाँ टिम पो च्याम्पियन बन्छ कि भन्ने चर्चा पनि हुन्छ । तर कसले उपाधि जित्छ भनेर थाहा पाउन जुलाई ११ सम्मै पर्खनुपर्ने हुन्छ । पहिलो पटक तीन फरक राष्ट्र मेक्सिको, अमेरिका र क्यानडाले संयुक्त रुपमा विश्वकप आयोजना गर्न लाग्दा यो अर्को कीर्तिमान बनिसकेको छ । त्यसमा पनि जुन ११ को उद्घाटन खेल भएपछि मेक्सिको आधिकारिक रुपमै तीन पटक फिफा विश्वकप आयोजना गर्ने पहिलो राष्ट्र बन्नेछ । यस्तै अमेरिकाले…

पूरा पढ्नुहोस् ...

४ महिना अगाडि ४ महिना अगाडि

बेइजिङमा अमेरिकी राष्ट्रपति ट्रम्प, आज शिखर वार्ता

विश्व, समाचार

काठमाडौँ, ३१ वैशाख २०८३ । अमेरिकाका राष्ट्रपति डोनाल्ड ट्रम्प र चीनका राष्ट्रपति सी चिनफिङबिच बिहीबार बेइजिङमा शिखर वार्ता हुँदै छ । विश्वका दुई ठुला अर्थतन्त्र भएका मुलुकका शीर्ष नेताबिच हुन लागेको शिखर वार्तालाई विश्व समुदायले उच्च महत्वका हेरिरहेको छ । नौ वर्षपछि तीनदिने राजकीय भ्रमणमा राष्ट्रपति ट्रम्प बुधबार साँझ चीनको राजधानी बेइजिङ आइपुग्नुभएको चिनियाँ समाचार समिति सिन्ह्वाले जनाएको छ । राष्ट्रपति ट्रम्पले चीन भ्रमणमा निस्कँदै गर्दा बेइजिङसँग व्यापार, प्रविधि र भूराजनीतिक तनावलाई नयाँ ढङ्गले व्यवस्थापन गर्ने सङ्केत दिनुभएको छ । चीनका राष्ट्रपति सी चिनफिङसँग हुने बहुप्रतीक्षित शिखर वार्ताअघि ट्रम्पले अमेरिकी कम्पनीका लागि चीनलाई अझ ‘खुला’ बनाउन आग्रह गर्ने सार्वजनिक घोषणा गर्नुभएको छ । वासिङ्टनबाट प्रस्थान गरेपछि ट्रम्पले सामाजिक सञ्जालमार्फत चीनका लागि अमेरिकी व्यवसाय र प्रविधि कम्पनीको पहुँच विस्तार गर्न चाहेको बताउनुभयो । उहाँले सी चिनफिङलाई ‘असाधारण दृष्टिका नेता’ भन्दै चीनलाई अमेरिकी उद्यमका लागि थप खुला बनाउन आग्रह गर्नुभएको हो । “म राष्ट्रपति सीलाई चीनलाई अझ खुला बनाउन आग्रह गर्दछु, ताकि अमेरिकी प्रतिभा र प्रविधिले चीनलाई अझ उच्चस्तरमा पु¥याउन सकोस्,” ट्रम्पले लेख्नुभएको थियो । यस भ्रमणलाई ट्रम्प प्रशासनले केवल कूटनीतिक भेटका रूपमा नभई आर्थिक र रणनीतिक सम्बन्ध पुनः सन्तुलन गर्ने अवसरका रूपमा अगाडि सारेको देखिएको छ । यही कारण व्यापार र प्रविधि क्षेत्रका चर्चित अमेरिकी व्यवसायी पनि ट्रम्पको भ्रमणटोलीमा सहभागी भएका छन्…

पूरा पढ्नुहोस् ...

४ महिना अगाडि ४ महिना अगाडि

पश्चिम बङ्गालमा भाजपा, असममा एनडीए विजयी

विश्व, समाचार

नयाँदिल्ली, २२ वैशाख २०८३ । भारतको पश्चिम बङ्गाल, तमिलनाडु, केरला, असम र केन्द्र शासित प्रदेश पुडुचेरीसहित प्रमुख क्षेत्रका ८२३ निर्वाचन क्षेत्रमा विगत दुई आज बिहान ८ बजेदेखि मतगणना सुरु भएको थियो। भारतीय निर्वाचन आयोगको पछिल्लो जानकारी अनुसार पश्चिम बङ्गालमा भाजपाले २९४ सिटमध्ये १९५ सिटमा अग्रता लिइरहेको छ भने पश्चिम बङ्गालमा सत्तासिन तृणमूल कांग्रेस ९टीएमसी० ले ८७ सिटमा अग्रता लिइरहेको छ । त्यस्तै, भारतीय राष्ट्रिय कांग्रेस (आइएनसी) ले दुई सिट, आम जनता उन्नयन पार्टी (अजुप) ले दुई सिटमा अग्रता लिइरहेको छ भने भारतीय कम्युनिस्ट पार्टी (मार्कर्सवादी) ले एक सिटमा अग्रता लिइरहेको छ । प्रधानमन्त्री नरेन्द्र मोदी, गृहमन्त्री अमित शाह, भाजपा अध्यक्ष नितिन नवीन र जेपी नड्डाले पश्चिम बङ्गालमा भाजपाको विजयलाई ऐतिहासिक भन्नुभएको छ। यसलाई जनशक्ति र विकास राजनीतिको विजय भन्दै प्रधानमन्त्री मोदीले राज्यको सपना पूरा गर्ने आश्वासन दिनुभएको छ। प्रधानमन्त्री मोदीले पनि पश्चिम बङ्गाल विधानसभा चुनावमा पार्टीको विजयमा खुशी व्यक्त गर्दै सामाजिक सञ्जाल एक्समा लेख्नुभएको छ, “पश्चिम बङ्गालमा कमल फुलेको छ । सन् २०२६ को पश्चिम बङ्गाल विधानसभा चुनाव सधैँ सम्झिइनेछ ।” उहाँले अगाडि लेख्नुहुन्छ, “जनताको शक्तिको जित भएको छ र भाजपाको सुशासनको राजनीतिले जितेको छ । म पश्चिम बंगालका प्रत्येक नागरिकलाई नमन गर्दछु । जनताले भाजपालाई ठूलो जनादेश दिएका छन् र म उनीहरूलाई विश्वास दिलाउन चाहन्छु कि हाम्रो पार्टीले पश्चिम बंगालका…

पूरा पढ्नुहोस् ...

५ महिना अगाडि ५ महिना अगाडि

इरान–अमेरिकाबिच दुई साताको युद्धविराम

विश्व, समाचार

काठमाडौँ, २५ चैत २०८२ । संयुक्त राज्य अमेरिका र इरानले दुई साताका लागि युद्धविराम गर्ने घोषणा गरेका छन्। अमेरिकी राष्ट्रपति डोनल्ड ट्रम्पले ‘सम्पूर्ण सभ्यता नष्ट हुने’ चेतावनी सहित दिएको समयसीमा सकिन केहीबेरअघि युद्धविरामको सहमति भएको हो। बीबीसीका अनुसार इरानी विदेशमन्त्री अब्बास अराग्चीले इरानी सशस्त्र फौजको समन्वयमा स्ट्रेट अफ होर्मुजबाट सुरक्षित आवतजावत सुनिश्चित गरिने बताउनुभएको छ। युद्धमा सामेल भएको इजरेलले पनि युद्धविराम सहमति पालना गर्ने विवरण आएका छन्। वार्तामा मध्यस्थको भूमिका खेलेको पाकिस्तान मार्फत् अमेरिकासामु युद्धविरामको १० बुँदे योजना पेस गरिएको इरानले पुष्टि गरेको बीबीसीमा उल्लेख छ।

पूरा पढ्नुहोस् ...

५ महिना अगाडि ५ महिना अगाडि

मातृभूमिमा लगानीका लागि अभिप्रेरित गर्न गैरआवासीय नेपालीलाई राष्ट्रपतिको आह्वान

अर्थ/वाणिज्य, विश्व, समाचार

काठमाडौँ, २३ चैत २०८२ । राष्ट्रपति रामचन्द्र पौडेलले नेपालमा रहेको लगानीको अपार सम्भावनाको सदुपयोग गर्न र आफू बसोवास गरेको मुलुकका लगानीकर्तालाई मातृभूमिमा लगानीका लागि अभिप्रेरित गर्न गैरआवासीय नेपालीलाई आग्रह गर्नुभएको छ । राष्ट्रपति भवन शीतल निवासमा आज गैरआवासीय नेपाली सङ्घका नवनिर्वाचित पदाधिकारीसँगको भेटमा उहाँले नेपाललाई सुशासन विकास र समृद्धितर्फ लैजान तथा अन्तर्राष्ट्रिय जगतमा नेपालको प्रतिष्ठा बढाउन आग्रह गर्नुभयो । राष्ट्रपति पौडेलले भन्नुभयो, “नेपालमा जलविद्युत्, पर्यटन, कृषि, पूवार्धार, सूचना तथा सञ्चार, शिक्षा, स्वास्थ्यलगायतका क्षेत्रमा लगानीको ठुलो सम्भावना छ, भारत र चीनजस्ता विश्वकै ठुलो जनसङ्ख्या र बृहत् बजारहरू हाम्रा समीप र पहुँचमा छन्, यस्तो अवस्थामा, नेपाल आर्थिक विकासका लागि चाहिने पूर्वाधार, औद्योगिकीकरण र आन्तरिक उत्पादनलगायतको विकासमा केन्द्रित हुनुपर्दछ ।” भर्खरै सम्पन्न प्रतिनिधिसभाको निर्वाचनबाट मुलुकको विषम र जटिल परिस्थितिले एउटा निकास पाएको उल्लेख गर्दै राष्ट्रपति पौडेलले अब मुलुकमा सुशासनको माध्यमबाट सामाजिक न्यायसहितको विकास र समृद्धितर्फ अग्रसर हुन जनताले मतादेश दिएका बताउनुभयो । उहाँले सङ्घीय लोकतान्त्रिक गणतन्त्रका निश्चित मूल्य मान्यता, सिद्धान्त र दर्शनलाई अङ्गिकार गरेर अघि बढ्नुपर्ने खाँचो औँल्याउनुभएको राष्ट्रपतिको सचिवालयले जनाएको छ । राष्ट्रपति पौडेलले आदिकवि भानुभक्त आचार्यको जन्मस्थल चुँदी रम्घालाई साहित्यिक पर्यटकीय गन्तव्यस्थलका रूपमा विकास गर्न गुरुयोजना बनाएर काम अघि बढेको उल्लेख गर्दै त्यसमा गैरआवासीय नेपाली सङ्घले आफ्नोतर्फबाट सहयोग गर्ने नै छ भन्ने विश्वास व्यक्त गर्नुभयो । उहाँले गैरआवासीय नेपाली विश्वसम्मेलनबाट भर्खरै निर्वाचित…

पूरा पढ्नुहोस् ...

५ महिना अगाडि ५ महिना अगाडि

भानुआटुमा शक्तिशाली भूकम्प

विश्व

सिड्नी, १६ चैत २०८२ । प्रशान्त महासागरको द्वीप राष्ट्र भानुआटु नजिक शक्तिशाली भूकम्प गए पनि ठूलो क्षतिको जोखिम कम देखिएको छ । युएसजिएसका अनुसार सोमबार ७.३ म्याग्निच्युडको भूकम्प मापन गरिएको हो, जसले क्षेत्रीय स्तरमा मध्यम कम्पन महसुस गराएको छ । भूकम्प भानुआटुको दोस्रो ठूलो सहर लुगानभिलबाट करिब ३५ किलोमिटर उत्तरपूर्वमा केन्द्रित थियो । प्रारम्भिक रूपमा ७.२ म्याग्निच्युड आँकलन गरिएको यस भूकम्पको परिमाण पछि बढाएर ७.३ निर्धारण गरिएको हो । प्रशान्त सुनामी चेतावनी सेन्टरका अनुसार यस भूकम्पपछि सुनामीको कुनै खतरा नदेखिएको स्पष्ट पारिएको छ, जसले तटीय क्षेत्रमा सम्भावित जोखिमलाई कम गरेको छ । युएसजिएसले भूकम्पको गहिराइ करिब ११५.८ किलोमिटर रहेको जनाएको छ, जसका कारण सतहमा व्यापक विनाशको सम्भावना घटेको बताइएको छ । प्रारम्भिक मूल्याङ्कन अनुसार ठूलो मानवीय क्षति वा आर्थिक नोक्सानी भएको सङ्केत छैन । भानुआटु भूकम्पीय दृष्टिले सक्रिय क्षेत्र प्यासिफिक रिङ अफ फायरभित्र पर्ने भएकाले यस्ता घटना यहाँ सामान्य मानिन्छन् । करिब तीन लाख २० हजार जनसङ्ख्या रहेको यस द्वीप समूहमा समय-समयमा शक्तिशाली कम्पन हुने गरेका छन् । गत महिना पनि एस्पिरिटु सान्टो टापु नजिक ६.४ म्याग्निच्युडको भूकम्प गएको थियो, जसले स्थानीय बासिन्दालाई त्रसित बनाए पनि उल्लेखनीय क्षति भने पुर्याएको थिएन । यस पटकको भूकम्प पनि तुलनात्मक रूपमा कम जोखिमपूर्ण देखिएको छ, यद्यपि निगरानी भने जारी राखिएको छ । -रासस/एएफपी

पूरा पढ्नुहोस् ...

६ महिना अगाडि ६ महिना अगाडि

काबुलको अस्पतालमा पाकिस्तानको आक्रमण, ४०० जनाको मृत्यु, २५० घाइते

विश्व, समाचार

काठमाडौं, ३ चैत २०८२ । अफगानिस्तानले पाकिस्तानमाथि देशको राजधानी काबुलमा रहेको एक लागुऔषध प्रयोगकर्ताहरूको अस्पतालमा गरेको आक्रमण गरेको छ । आक्रमणमा कम्तीमा ४०० जनाको मृत्यु भएको छ । २५० घाइते भएका छन् । यो घटना गत महिनाको अन्त्यतिर सुरु भएको द्वन्द्वको अर्को श्रृंखला हो, जहाँ बारम्बार सीमापार झडपका साथै अफगानिस्तानभित्र हवाई आक्रमणहरू भइरहेका छन् । युद्धविरामका लागि गरिएका अन्तर्राष्ट्रिय आह्वानहरूलाई बेवास्ता गरिएको छ । पाकिस्तानले अस्पतालमा आक्रमण गरेको आरोपलाई अस्वीकार गरेको छ । पूर्वी अफगानिस्तानमा गरिएका आफ्ना आक्रमणहरूले कुनै पनि नागरिक क्षेत्रलाई निशाना नबनाएको पाकिस्तानले बताएको छ । अफगानिस्तानका सरकारी उप–प्रवक्ता हमदुल्लाह फित्रतले एक्समा एक पोस्ट गर्दै स्थानीय समयअनुसार राति करिब ९ बजे गरिएको हवाई आक्रमणले अस्पतालमा क्षति पुर्‍याएको बताएका छन् । उनले दुई हजार बेड क्षमताको उक्त संरचनाका ठूला खण्डहरू ध्वस्त पारेको बताएका छन् । उनले मृत्यु हुनेको संख्या अहिलेसम्म ४०० पुगेको र करिब २५० जना घाइते भएको जानकारी दिएका छन् । स्थानीय टेलिभिजनहरूले एक्समा पोस्ट गरेका फुटेजहरूमा सुरक्षा बलहरूले टर्चलाइट प्रयोग गर्दै हताहत भएकाहरूलाई बोकिरहेको र अग्निनियन्त्रकहरूले भवनको भग्नावशेषमा सल्किएको आगो निभाउन संघर्ष गरिरहेको देखिन्छ । फित्रतले उद्धार टोलीहरू आगो नियन्त्रण गर्न र शवहरू निकाल्न खटिरहेको बताएका छन् । दुई छिमेकीहरूबीच वर्षौं यताकै घातक लडाइँ तेस्रो हप्तामा प्रवेश गरेको छ । सीमामा दुवै पक्षबीच गोली हानाहान भई अफगानिस्तानमा…

पूरा पढ्नुहोस् ...

६ महिना अगाडि ६ महिना अगाडि

महँगी जोखिममा उपभोक्ता, ‘पर्ख र हेर’ मा सरकार

अर्थ/वाणिज्य, कृषि, विश्व, समाचार

काठमाडौं, २८ फागुन २०८२ । इजरायल-अमेरिका र इरानबीच बढ्दो सैन्य तनावले विश्व राजनीतिको तापक्रम मात्र बढाएको छैन, आयातमा निर्भर नेपालजस्तो देशको अर्थतन्त्रमा समेत संकटको संकेत देखाएको छ । उक्त सैन्य मुठभेडले विश्वव्यापी आपूर्ति शृङ्खला खल्बलाउँदा पूर्णरूपमा आयातमा निर्भर नेपालमा खाना पकाउने एलपी ग्यास, चामल, दाल, खानेतेल, तरकारी, फलफूल र इन्धन मूल्य अस्वाभाविक रूपमा बढ्ने र उपभोक्ताले त्यसको महँगो मूल्य तिर्नुपर्ने जोखिम देखिएको छ । नेपाली उपभोक्ताले दुई महिनादेखि ग्यास अभाव झेलिरहेका छन् । खाडी तनावको सिधा असर बुधबार अन्तर्राष्ट्रिय बजारमा देखिएको छ । कच्चा तेलको मूल्य प्रतिब्यारेल ८५ अमेरिकी डलर छ । यस्तै रेड सी (लाल सागर) र हर्मुज जलसन्धिमा सिर्जना भएको अवरोधका कारण खानेतेलको कच्चा पदार्थ आयात गर्ने ढुवानी खर्च प्रतिटन १ सय ५० डलरसम्म बढेको छ । यसले नेपाली बजारमा खानेतेलको मूल्य महँगो बनाउने निश्चित देखिएको छ । अन्तर्राष्ट्रिय बजारमा कति छ मूल्य ? अन्तर्राष्ट्रिय बजारमा इन्धन, खानेतेल र ग्यासको मूल्यमा नयाँ उतारचढाव देखिएको छ । पछिल्लो तथ्यांक अनुसार इन्धनतर्फ ब्रेन्ट क्रुडको मूल्य प्रतिब्यारेल ८२ देखि ८५ डलर बीचमा छ । यस्तै डब्लूटीआई कच्चा तेल प्रतिब्यारेल ७७ देखि ८० डलरमा कारोबार भइरहेको छ । खाना पकाउने एलपी ग्यासको थोक मूल्यमा पनि नयाँ दर कायम भएको छ । साउदी अरामकोको कन्ट्रयाक्ट प्राइस (सीपी) अनुसार एलपी ग्यास प्रतिटन ६ सय…

पूरा पढ्नुहोस् ...