शिक्षा

काठमाडौँ, २४ कात्तिक : निर्वाचन आयोगले आगामी प्रतिनिधिसभा र राष्ट्रियसभाको निर्वाचनलाई लक्षित गरी आयोगका पूर्वपदाधिकारी र पूर्वसचिवसँग परामर्श गरेको छ । कान्तिपथस्थित आयोगको केन्द्रीय कार्यालयमा आज आगामी निर्वाचनलाई स्वच्छ, स्वन्तन्त्र, निष्पक्ष, भयरहित र मितव्ययी तुल्याउन विगतका अनुभव प्राप्त गर्ने उद्देश्यले उहाँहरूसँग परामर्श गरेको हो ।         जेनजी आन्दोलनको भावनाअनुरूप चुनावी अन्तरिम सरकार गठन भई आगामी फागुन २१ गते प्रतिनिधिसभाको निर्वाचन हुँदैछ । यस्तै १९ सदस्य पदका लागि आगामी माघ ११ राष्ट्रियसभाको निर्वाचन हुँदैछ ।  कार्यवाहक प्रमुख निर्वाचन आयुक्त रामप्रसाद भण्डारीको अध्यक्षतामा भएको परामर्शमा आयुक्तद्वय सगुनशम्शेर जबरा र डा जानकी तुलाधर, पूर्वप्रमुख निर्वाचन आयुक्तहरू सूर्यप्रसाद श्रेष्ठ, नीलकण्ठ उप्रेती, दोलखबहादुर गुरुङलगायत र आयोगका पूर्वसचिवहरू मधु रेग्मी, भरतमणि सुवेदी, सुरेश अधिकारी, रविराज पन्तलगायत सहभागी हुनुहुन्छ ।         परामर्श बैठकको प्रारम्भमा आयोगका सचिव महादेव पन्थले यसअघिका निर्वाचन व्यवस्थापनमा भएका अनुभव तथा आइपरेका समस्या र चुनौती समाधानमा खेलिएको भूमिकासम्बन्धी अनुभव आदानप्रदान गर्न कार्यक्रम आयोजना गरिएको बताउनुभयो । तोकिएको निर्वाचन समयमा नै सम्पन्न गर्न मुलुकभर रहेका आयोगका कार्यालयहरूमा रिक्त पदमा पदपूर्ति गरिसकिएको जानकारी दिँदै उहाँले निर्वाचन सुरक्षाका लागि सुरक्षा सङ्गठनको बैठक बसिरहेको बताउनुभयो ।          “अनुभव आदानप्रदानले निर्वाचन व्यवस्थापनमा सुधार र नवीन सोच अघि बढाउन प्रेरणा दिने भएकाले पूर्वपदाधिकारीको ज्ञान र अनुभवन महत्त्वपूर्ण हुन्छ”, उहाँले भन्नुभयो, “आगामी निर्वाचन संवैधानिक दायित्व मात्र नभई लोकतान्त्रिक अभ्यासको आधारस्तम्भ हो ।”         आयोगमा हालसम्म १२५ दल दर्ता भएका…

म्याग्दी, २० साउन : धवलागिरि गाउँपालिका–२ मुनाको धवलागिरि माविका शिक्षक र विद्यार्थीले तरकारीखेती गरेका छन् । मुनामा वार्षिक रु पाँच हजार भाडा तिर्नेगरी दुई रोपनी जग्गा भाडामा लिएर तरकारीखेती गरेका हुन् । एक रोपनीमा बन्दा, काउली, रायोसाग, मुला, गाजर र दुईवटा पलास्टिक टनेलमा गोलभेँडाका बिरुवा रोपिएको प्रधानाध्यापक रुपेश सुवेदीले जानकारी दिनुभयो । “गत हप्ता कक्षा ८, ९ र १० का विद्यार्थीका साथै शिक्षकले खाली समयमा श्रमदान गरेर जग्गा तयार गरेर तरकारीका बिरुवा लगाएका छौँ”, उहाँले भन्नुभयो, “बाँकी एक रोपनी जमिनमा प्याजका बिरुवा उत्पादन गरेर बिक्री गर्ने योजना छ ।” विद्यार्थीलाई तरकारीखेतीसम्बन्धी व्यावहारिक र व्यावसायिक ज्ञान, सीप सिकाउने, छात्रावासमा आवश्यक पर्ने तरकारी आफँै उत्पादन गर्ने र तरकारी बिक्री गरेर विद्यालयको कोष वृद्धि गर्ने उद्देश्यले तरकारीखेती थालिएको प्रअ सुवेदीले बताउनुभयो । तरकारीखेतीका लागि धवलागिरि गाउँपालिकाले आर्थिक वर्ष २०८१÷८२ को ‘धवलागिरिको इच्छा, गरिखाने शिक्षा’ भन्ने कार्यक्रममार्फत सहयोग गरेको थियो । गाउँपालिकाले उपलब्ध गराएको रु एक लाख ५० हजारबाट मल, बीउ, टनेल खरिद, जग्गा भाडा तिरेको छ । गाउँपालिकाका अध्यक्ष प्रेमप्रसाद पुनले विद्यार्थीलाई पढ्दै कमाउँदै गर्ने सीप सिकाउने उद्देश्यले हेम नमूना आवासीय मावि र धवलागिरि माध्यमिक विद्यालयमा ‘धवलागिरिको इच्छा, गरिखाने शिक्षा’ कार्यक्रम सञ्चालन गरेको बताउनुभयो । हेम नमूना आवासीय माविको झिनडाँडास्थित छात्रावासमा बस्ने ५० विद्यार्थीले छ रोपनी पाखोको झाडी फाडेर तरकारीखेती गरेर हराभरा बनाएका…

काठमाडौँ, १९ साउन : नेपाल नेत्रज्योति सङ्घ र नेपलिज डक्टर्स एसोसिएसन बेलायतकाबीचमा आँखा उपचारका क्षेत्रमा आपसी सहकार्य गर्नेसम्बन्धी समझदारी पत्रमा हस्ताक्षर भएको छ । बेलायतमा रहेका नेपाली चिकित्सकको संस्थाको ४० औँ वार्षिकोत्सवका अवसमा आइतबार आयोजित कार्यक्रममा उक्त समझादारीपत्रमा हस्ताक्षर गरिएको हो । समझादारीपत्रमा सङ्घका तर्फबाट केन्द्रीय सदस्य प्राडा सबिना श्रेष्ठ र एसोसिएसनका तर्फबाट अध्यक्ष सञ्जीव नेपालीले हस्ताक्षर गर्नुभएको सङ्घद्वारा जारी विज्ञप्तिमा जनाइएको छ । सङ्घकी सदस्य प्राडा श्रेष्ठका अनुसार नेपालमा आँखा उपचार सेवाका विकास र विस्तारको उद्देश्यसहित दुई संस्थाका बीचमा सहकार्य भएको हो । उहाँले एसोसिएसनले नेपालमा सञ्चालन हुने आँखा उपचार सेवासम्बन्धी कार्यक्रमलाई थप प्रभावकारी बनाउन स्वयंसेवी सेवामा संलग्न हुन इच्छुक योग्य नेत्र विशेषज्ञ तथा आँखाका स्वास्थ्यकर्मीलाई नेपालमा परिचालन गर्ने जानकारी दिनुभयो । त्यसैगरी आँखा उपचारका लागि आवश्यक स्वास्थ्य उपकरण तथा औषधिको व्यवस्थापनका लागिसमेत एसोसियसनले समन्वय गर्नेछ । एसोसिएसनले नेपालमा विभिन्न निःशुल्क उपचार शिविरसहित विभिन्न सामाजिक कार्य गर्दै आएको छ । विसं २०३५ मा स्थापना भएको नेपाल नेत्रज्योति सङ्घ नेपालकै अग्रणी गैर–सरकारी संस्था हो । यसले सुलभ र गुणस्तरीयय आँखा उपचार सेवा प्रदान गर्दै आएको छ । २८ आँखा अस्पताल, दुई सय २४ आँखा उपचार केन्द्र र ४५ जिल्ला शाखामार्फत सङ्घले वार्षिक ३० लाखभन्दा बढी व्यक्तिलाई सेवा दिँदै आएको छ, भने तीन लाखभन्दा बढी आँखाको शल्यक्रिया गर्दै आएको छ ।…

तानसेन (पाल्पा), १५ साउनः तानसेन नगरपालिका–११ स्थित लिपीन्देवी आधारभूत विद्यालयमा अध्ययनरत विपन्न वर्गका ३७ जना विद्यार्थीलाई पाल्पा जेसीजले पाठ्यसामग्रीसहित झोला वितरण गरेको छ । जेसीजले बुधबार विद्यार्थीलाई झोला, कपी, कलम वितरण गरेको हो । तानसेन नगरपालिकाका प्रमुख तथा जेसीजका पूर्वअध्यक्ष सन्तोषलाल श्रेष्ठ, जेसीजका अध्यक्ष जेसी विवेककाजी शाक्य, नगरपालिका प्रवक्ता तथा तानसेन–११ का वडाध्यक्ष यादवसिंह कार्की, तानसेन–१ का वडाध्यक्ष तथा जेसीजका पूर्वअध्यक्ष जेसीज सुनिलकुमार बस्याल, जेसीजका निवर्तमान अध्यक्ष जेसी अर्जुन कार्कीलगायतका जेसीज पदाधिकारीले विद्यार्थीलाई उक्त शैक्षिक सामग्री हस्तान्तरण गर्नुभएको थियो । “विपन्न वर्गका विद्यार्थी झोलालगायत शैक्षिक सामग्रीका कारण पढाइबाट वञ्चित हुन नपरोस्, भनेर एक वर्षलाई पुग्ने शैक्षिक सामान उपलब्ध गराएका छौँ”, जेसीजका अध्यक्ष जेसी विवेककाजी शाक्यले भन्नुभयो । त्यस अवसरमा नगर प्रमुख श्रेष्ठले उक्त विद्यालयका विद्यार्थीलाई सघाउन रु ५० हजारको अक्षयकोष स्थापनाको घोषणा गर्नुभयो । -रासस

बागलुङ, २२ असार २०८२ - शिक्षामा नवप्रवर्तन र उत्कृष्टताको प्रवर्द्धन गर्दै बरेङ गाउँपालिकाले शिक्षा क्षेत्रका विभिन्न तहका ४१ जना उत्कृष्ट व्यक्तित्वहरूलाई एक विशेष कार्यक्रमका बीच सम्मानित तथा पुरस्कृत गरेको छ । गाउँपालिकाको आर्थिक वर्ष २०८१/०८२ को नीति तथा कार्यक्रममा समावेश "गुणस्तरी शिक्षा, जिम्मेवार प्रशासन र सामुदायिक संलग्नता" भन्ने मूल मन्त्रलाई आत्मसात गर्दै कार्यक्रम सम्पन्न गरेको हो । कार्यक्रममा विद्यालय प्रशासन, शिक्षक, लेखा सहायक, बालशिक्षक, विद्यालय सहयोगी तथा उच्च जिपिए (GPA) हाँसिल गर्ने विद्यार्थीहरूलाई सम्मान गरेको हो । कार्यक्रममा बरेङ गाउँपालिका अध्यक्ष तथा कार्यक्रमका प्रमुख अतिथि कृष्ण प्रसाद शर्माले मन्तव्य दिँदै शिक्षा क्षेत्रमा उत्कृष्टता हाँसिल गर्नेहरूको पहिचान तथा प्रोत्साहनलाई संस्थागत बनाउने प्रतिबद्धता व्यक्त गरे । उत्कृष्ट शिक्षक र कर्मचारीहरूः शैक्षिक संस्थानामपद / तहमहेन्द्र माध्यामिक विद्यालयटिकाराम शर्मावि.व्य.स. अध्यक्षपुरुषोदय माध्यामिक विद्यालयमन बहादुर श्रीसप्रधानाध्यापकमंगलमय नेपालतारा थममाया थापा पुनप्राविधिक धारसर्वोदय माध्यामिक विद्यालयओम बहादुर पुनमाध्यमिक तह शिक्षकभृकुटी माध्यामिक विद्यालयखिम बहादुर पुननिम्न माध्यमिक तह शिक्षकसल्यान सुखौरा माध्यामिक विद्यालयअर्चना शर्माप्रारम्भिक तह शिक्षिकासिर्जना प्रारम्भिक विद्यालयनुर्पा छन्त्याल पुनबालशिक्षिकासर्वोदय माध्यामिक विद्यालयकल्पना क्षेत्रीलेखा सहायकमहेन्द्र माध्यामिक विद्यालययुवराज पुनविद्यालय सहयोगी एसईईमा सबै विद्यार्थीलाई ग्रेडेड गराउन सफल शिक्षकहरूः शैक्षिक संस्थानामपद / विषयसर्वोदय माध्यामिक विद्यालयचित्र थापाप्रधानाध्यापकपार्वता भूषालशिक्षकदुर्गा देवी शर्माशिक्षकपरशुराम शर्माशिक्षकधुल्लुलिउँवा माध्यामिक विद्यालयथुमराज ढुङ्गानाशिक्षकपार्वती लामिछानेशिक्षिकापुरुषोदय माध्यामिक विद्यालयबिमल खड्काशिक्षकसुमन वलीशिक्षकलक्ष्मीकान्त पौडेलशिक्षकबालज्योति बोर्डिङ विद्यालयबिमला शर्माशिक्षिकाविनोद विष्टशिक्षकहिमाल खनालशिक्षकभृकुटी माध्यामिक विद्यालयसरस्वती थापाशिक्षिकाज्ञानेन्द्र थापाशिक्षकमहेन्द्र माध्यामिक विद्यालयरेशम पुनशिक्षकसिर्जना थापाशिक्षिकागोविन्द बुढाथोकीशिक्षकसल्यान सुखौरा माध्यामिक विद्यालयनवराज…

गुल्मी, २० असार २०८२ - शिक्षालाई समावेशी, गुणस्तरीय र पहुँचयुक्त बनाउने उद्देश्यका साथ कालिगण्डकी गाउँपालिकाले सञ्चालनमा ल्याएको “तिनतारा विद्यालय प्रवर्द्धनका लागि सचेतना तथा उत्प्रेरणा कार्यक्रम” शुक्रबार एक भव्य समारोहका साथ सम्पन्न भएको छ। नेपाल रेडक्रस सोसाइटी जिल्ला शाखा गुल्मीको समन्वय तथा प्राविधिक सहयोगमा आयोजना गरिएको उक्त कार्यक्रम कालिगण्डकी गाउँपालिकाको सभाहल, कनौटामा सम्पन्न भएको हो । कार्यक्रमको अध्यक्षता कालिगण्डकी गाउँपालिकाका अध्यक्ष वेदबहादुर थापाले गरेका थिए भने जिल्ला समन्वय समिति गुल्मीका प्रमुख द्रोणबहादुर खत्री प्रमुख अतिथि थिए । उपप्रमुख तेजेन्द्र सलामी मगर, धुर्कोट गाउँपालिकाका अध्यक्ष भूपाल पोखरेल, नेपाल रेडक्रस सोसाइटीका जिल्ला सभापति कृष्ण प्रसाद भण्डारी, कालिगण्डकी गाउँपालिकाका ७ वटै वडाका अध्यक्षहरू, विद्यालय व्यवस्थापन समिति अध्यक्षहरू, विद्यालयका प्रधानाध्यापकहरू, शिक्षक, अभिभावक, विद्यार्थी प्रतिनिधि, स्थानीय अगुवा, सञ्चारकर्मी तथा सामाजिक अभियन्ताहरूको उल्लेख्य उपस्थिति रहेको थियो । कार्यक्रममा वक्ताहरुले शिक्षा क्षेत्रको वर्तमान अवस्थाबारे समीक्षा गर्दै तिनतारा विद्यालयको अवधारणा, मापदण्ड र कार्यान्वयन प्रक्रियाका बारेमा विस्तृत जानकारी प्रस्तुत गरेका थिए । अध्यक्ष वेदबहादुर थापाले कालिगण्डकी गाउँपालिकाले शिक्षा क्षेत्रलाई प्राथमिकता दिएको र तिनतारा विद्यालय अवधारणा त्यसको मूर्त उदाहरण भएको उल्लेख गरे। उनले भने, “हामी विद्यालयको भवन होइन, भविष्य निर्माण गर्दैछौं । अबको शिक्षा परिणाममुखी र जीवनोपयोगी हुनुपर्छ ।” जिल्ला समन्वय समिति प्रमुख द्रोणबहादुर खत्रीले गाउँपालिका स्तरमै यस्तो दिगो र परिवर्तनमुखी शिक्षा अभियान सञ्चालन गर्नु सराहनीय कार्य भएको बताए। उनले तिनतारा…