बाग्लुङ, मंसिर १४, सूर्यज्योति लाइफ इन्स्योरेन्स कम्पनी लिमिटेड, बागलुङ शाखाले आयोजना गरेको एजेन्सी सम्मान तथा उत्प्रेरणा (Motivation) कार्यक्रम भव्य रुपमा सम्पन्न भएको छ।
कार्यक्रममा २०८१/०८२ को नयाँ एजेन्सी म्यानेजर नियुक्ति, अधिक्तम पोकोसी नवीकरण, टप ५ टिम बिजनेस, टप १० सेल्फ–कोड बिजनेस, क्लब अचिभर, स्टार अफ द मन्थ, कम्पनी स्किम अचिभर साथै कराेडपति एजेन्सी लगायतका विभिन्न विधामा उत्कृष्ट प्रदर्शन गर्ने अभिकर्ताहरूलाई सम्मान गरिएको थियो।

बागलुङ शाखा प्रमुख ज्ञानु कुँवरकाे अध्यक्षता रहेकाे कार्यक्रममा धौलागिरी एरिया प्रमुख मेघराज खड्काकाे प्रमुख आतिथ्यता रहेकाे थियाे। त्यस्तै, मोटिभेशन सेसन खेमा एजुकेशन तथा ट्रेनिङ सेन्टरका एम.डि तथा मोटिभेशनल स्पिकर अशिश गुरुङले (Sales & Marketing) विषयमा महत्वपूर्ण प्रशिक्षण प्रदान गरेका थिए। सो कार्यक्रममा बेनी शाखा प्रमुख सङ्गीता कार्की बरुवाल, अपरेसन इन्चार्ज सुजन पुर्जा साथै एजेंसी म्यानेजरहरूको उपस्थिति रहेको थियो।
एजेन्सी म्यानेजरहरूलाई लक्षित गरी व्यवसाय समीक्षा (Business Review) तथा स्किम प्रस्तुतीकरण प्रमुख अतिथि मेघराज खड्काले प्रस्तुत गरेका थिए। साथै, MDRT 2024 तथा चेयरम्यान क्लब अचिभर चुडामणि कँडेलले सम्पूर्ण अचिभरहरूको प्रतिनिधित्व गर्दै आफ्नो प्रेरणादायी विचार राखेका थिए।

उक्त कार्यक्रमको सञ्चालन बागलुङ शाखाका अपरेसन इन्चार्ज झोकेन्द्र थापा मगरले गरेका थिए। अभिकर्ता तथा एजेन्सीहरूको सक्रिय सहभागिताले कार्यक्रम थप प्रभावकारी र उत्साहजनक बनेको थियाे। (१२ मंसिर २०८२)