अर्थ/वाणिज्य

काठमाडौँ, १३ फाल्गुन २०८२, सेयर कारोबार मापक नेप्से परिसूचक बुधबार साढे १० अंकले बढेर बन्द भएको छ । अघिल्लो दिनको तुलनामा १०.३० अंक(०.३९ प्रतिशत)ले बढेपछि समग्र नेप्से २ हजार ६ सय ४८.९० अंकमा उक्लेर बन्द भएको हो । मंगलबार नेप्से २१.६२ अंकले बढेको थियो । अघिल्ला दुई दिन नेप्से बढेको थियो । बुधबार कारोबारमा आएकामध्ये १५७ कम्पनीको सेयर मूल्य बढ्यो, ९० कम्पनीको मूल्य घट्यो । बाँकी १३ कम्पनीको स्थिर रह्यो । सो दिन कुल ४८ हजार ६ सय ४० पटकको सेयर कारोबारमा १ करोड ४ लाख ५६  हजार ९ सय ८० कित्ता सेयर किनबेच भए । ती किनबेचमा ४ अर्ब ४५ करोड ११ लाख रुपैयाँ बराबरको सेयर कारोबार भएको छ । अघिल्लो कारोबार दिनको तुलनामा कारोबार रकम बढेको हो । मंगलबार सेयर बजारमा ४ अर्ब २३ करोड २४ लाख रुपैयाँ बराबरको कारोबार भएको थियो । बुधबार कारोबारमा आएका १३ उपसमूहमध्ये वित्त कम्पनी, सामूहिक लगानी कोष र व्यापारको परिसूचक घटे । बाँकी १० उपसमूहको परिसूचक बढेपछि समग्र नेप्से दोहोरो अंकले उकालो लागेको हो ।

काठमाडौं, ९ फाल्गुन २०८२ । नेपाल राष्ट्र बैंक ऐन २०५८ संशोधनको मस्याैदाले वित्तीय पहुँच विस्तारलाई कानूनी आधार दिएको छ। ग्रामीण र दुर्गम क्षेत्रमा सेवा विस्तारलाई बाध्यकारी बनाउने प्रावधानले ऋण, बचत, बीमा र भुक्तानी सेवामा सहज पहुँच दिलाउने अपेक्षा गरिएको छ। मोबाइल भुक्तानी प्रयोगकर्ताको संख्या हाल ३ करोडभन्दा बढी पुगेको तथ्याङ्कले डिजिटल वित्तीय सेवाको सम्भावना देखाउँछ। यसले वित्तीय समावेशीकरणलाई द्रुत गतिमा अघि बढाउनेछ, तर ग्रामीण क्षेत्रमा डिजिटल साक्षरता कार्यक्रमलाई सँगसँगै अघि बढाउनुपर्ने आवश्यकता देखिन्छ। नेपालमा बिक्री भएको मोबाइल संख्या र सिमकार्डका अाधारमा गणना गर्दा मोबाइल प्रयोगकर्ता ४ करोडभन्दा बढी छन् । तर वित्तीय साक्षरताको अवस्था अझै पनि कमजोर छ। ऐनमा भर्च्युअल बैंक सेवाको परिकल्पना गरिएको छ। यसले भौतिक शाखा बिना डिजिटल माध्यमबाट सेवा दिने व्यवस्था ल्याउनेछ।  ग्रामीण उपभोक्ताले मोबाइलमार्फत बैंकिङ सेवा लिन सक्नेछन्, नगद कारोबार घट्नेछ। वित्तीय साक्षरता सँगै डिजिटल साक्षरताको अभावका कारण नेपालमा उपभोक्ताहरू भर्च्युअल बैंकिङ सेवाको अावरणमा ठगिने संभावना अधिक छ। वित्तीय साक्षरता र साइबर सुरक्षा सुदृढ गरियो भने भर्च्युअल बैंकिङले वित्तीय समावेशीकरणमा क्रान्तिकारी योगदान पुर्‍याउन सक्छ। ऐनको संशोधन मस्याैदामा राष्ट्र बैंकको गभर्नर, डेपुटी गभर्नर तथा सञ्चालकहरूको नियुक्ति, योग्यता र अनुभवमा स्पष्टता ल्याइएको छ।आन्तरिक लेखापरीक्षण प्रणाली सुदृढीकरण, जोखिम व्यवस्थापनमा पारदर्शिता, सुपरिवेक्षणलाई प्रभावकारी बनाउने प्रावधान समावेश गरिएका छन् । यसले बैंकिङ क्षेत्रमा हुने अनियमितता नियन्त्रण गर्ने र उपभोक्ताको विश्वास बढाउने अपेक्षा…

काठमाडौं, १० माघ । नेपाल राष्ट्र बैङ्कले आज (शनिबारका)का लागि विदेशी मुद्राको विनिमयदर निर्धारण गरेको छ । निर्धारण गरिएको विनिमयदरअनुसार अमेरिकन डलरको मूल्य हालसम्मकै उच्च बिन्दुमा पुगेको छ । अमेरिकी डलर एकको खरिददर १४६ रुपैयाँ ८१ पैसा र बिक्रीदर १४७ रुपैयाँ ४१ पैसा तोकिएको छ । यस्तै, युरोपियन युरो एकको खरिददर १७२ रुपैयाँ ३१ पैसा र बिक्रीदर १७३ रुपैयाँ ०२ पैसा, युके पाउण्ड स्ट्रलिङ एकको खरिददर १९८ रुपैयाँ ५८ पैसा र बिक्रीदर १९९ रुपैयाँ ३९ पैसा, स्वीस फ्रयाङ्क एकको खरिददर १८५ रुपैयाँ ६१ पैसा र बिक्रीदर १८६ रुपैयाँ ३७ पैसा कायम गरिएको छ । अष्ट्रेलियन डलर एकको खरिददर १०० रुपैयाँ ५५ पैसा र बिक्रीदर १०० रुपैयाँ ९६ पैसा, क्यानेडियन डलर एकको खरिददर १०६ रुपैयाँ ५० पैसा र बिक्रीदर १०६ रुपैयाँ ९४ पैसा, सिङ्गापुर डलर एकको खरिददर ११४ रुपैयाँ ७५ पैसा र बिक्रीदर ११५ रुपैयाँ २२ पैसा तोकिएको छ । जापानी येन १० को खरिददर नौ रुपैयाँ २७ पैसा र बिक्रीदर नौ रुपैयाँ ३१ पैसा, चिनियाँ युआन एकको खरिददर २१ रुपैयाँ ०८ पैसा र बिक्रीदर २१ रुपैयाँ १७ पैसा, साउदी अरेबियन रियाल एकको खरिददर ३९ रुपैयाँ १५ पैसा र बिक्रीदर ३९ रुपैयाँ ३१ पैसा, कतारी रियाल एकको खरिददर ४० रुपैयाँ २८ पैसा र बिक्रीदर ४० रुपैयाँ ४५ पैसा कायम भएको छ…

१० माघ, आजको समयमा लगभग सबैको आफ्नै बैंक खाता हुन्छ र धेरै व्यक्तिहरूसँग दुई वा त्यो भन्दा बढी बैंक खाता हुन्छन् । हामी कहिले कुनै अफरको लोभमा त कहिले नयाँ कम्पनीमा जागिर गर्न जाँदा तलबका लागि खाता खोल्छौँ । एकभन्दा बढी खाता खोल्नुमा कुनै समस्या पनि होइन, तर महत्वपूर्ण कुरा यो हो तिनलाई राम्रोसँग व्यवस्थापन गर्न सक्नुपर्छ । नेपालमा पनि बैंकिङ प्रणाली द्रुत गतिमा विस्तार भइरहेको छ । नेपाल राष्ट्र बैंकका अनुसार, धेरै नेपालीहरूले अब डिजिटल बैंकिङ र मोबाइल वालेटहरू जस्ता सेवाहरूसँग जोडिएका खाताहरू प्रयोग गर्दैछन् । तर, बहुखाता राख्दा यसले वित्तीय जीवनलाई सरल बनाउन सक्छ वा जटिल पनि । फाइदाहरू एकभन्दा बढी बैंक खाता राख्नुका धेरै फाइदाहरू हुन सक्छन् । यसले पैसाको व्यवस्थापनलाई व्यवस्थित बनाउँछ र विभिन्न उद्देश्यका लागि छुट्टाछुट्टै खाता राख्न सकिन्छ । यसले खर्च नियन्त्रणमा पनि मद्दत गर्छ । बहु बैंक खाताले पैसाको राम्रो व्यवस्थापन र बजेटिङ गर्न सकिन्छ । विभिन्न कामका लागि छुट्टाछुट्टै खाता राख्न सकिन्छ । उदाहरणका लागि, एउटा खाता घरको दैनिक खर्च र बिल तिर्नका लागि राख्न सकिन्छ । अर्को बचत वा आपत्कालीन कोषका लागि, र तेस्रो लगानी वा छुट्टै लक्ष्यका लागि । यसले आफ्नो खर्च ट्र्याक गर्न सजिलो बनाउँछ र अनावश्यक खर्चबाट बचाउँछ । नेपालमा धेरै बैंकहरूले ‘सब–अकाउन्ट’ वा ’गोल–बेस्ड सेभिङ्स’ अफर गर्छन्,…