KhojSansar

समाचार

टर्कीको चौथो ठूलो सहरमा आगलागीको खतरा, स्थानीयलाई सुरक्षित स्थानमा सारियो

टर्कीको चौथो ठूलो सहरमा आगलागीको खतरा, स्थानीयलाई सुरक्षित स्थानमा सारियो

हप्तौँदेखि टर्कीलाई घेरेको डढेलोले आइतबार बिहान सबेरै देशको चौथो ठूलो सहरलाई खतरामा पारेको छ । आगलागीका कारण सयौँ मानिसलाई आफ्नो घर छाडेर भाग्न बाध्य भएका छन् । उत्तरपश्चिम टर्कीको बुर्सा वरपरका जङ्गली पहाडहरूमा रातभरको आगो द्रुत गतिमा फैलिएपछि सहरको पूर्वी उपनगरहरूमा रातको आकाशलाई रातो बनाएको थियो । बुर्साका गभर्नरको कार्यालयले आइतबार एक विज्ञप्तिमा उत्तरपूर्वका गाउँहरूबाट एक हजार सात सय ६५ जनालाई सुरक्षित रूपमा बाहिर निकालिएको बताएको छ । एक हजार एक सयभन्दा बढी दमकलकर्मीले आगो निभाउने प्रयास गरिरहेका थिए । बुर्सालाई राजधानी अङ्कारासँग जोड्ने राजमार्ग वरपरका जङ्गलहरू जलेको कारण बन्द गरिएको थियो । प्रान्तका विपक्षी सांसद ओर्हान सारिबालले यस दृश्यलाई ‘प्रलय’ भन्नुभयो । बिहानसम्म हावाको गति कम भएपछि दमकलकर्मीहरूलाई केही राहत मिलेको थियो । उनीहरूले आगो निभाउने प्रयास जारी राखे । तथापि टेलिभिजनको फुटेजले खरानीमय भूदृश्य देखाएको छ । त्यहाँ पहिले खेतहरू र सल्लाका जङ्गलहरू थिए । टर्की जुनको अन्त्यदेखि दैनिक दर्जनौँ डढेलोको चपेटामा परेको छ । वनमन्त्री इब्राहिम यमुक्लीले शनिबार देशभरका अग्नि नियन्त्रकहरूले ७६ वटा छुट्टै आगलागीको सामना गरेको बताउनुभएको थियो । बेमौसमी उच्च तापक्रम, सुक्खा अवस्था र कडा हावाले गर्दा आगो लागेको हो । टर्कीको दक्षिणपूर्वी सिरनाक प्रान्तमा शुक्रबार अहिलेसम्मकै सबैभन्दा बढी तापक्रम ५०.५ डिग्री सेल्सियस (१२२.९ डिग्री फरेनहाइट) रेकर्ड गरिएको छ । जुलाईमा सबैभन्दा बढी तापक्रम अन्य…
पूरा पढ्नुहोस् ...
बुद्ध शिक्षामार्फत कूटनीति र शान्तिमा नयाँ आयाम ल्याउन सकिन्छः मुख्यमन्त्री आचार्य

बुद्ध शिक्षामार्फत कूटनीति र शान्तिमा नयाँ आयाम ल्याउन सकिन्छः मुख्यमन्त्री आचार्य

लुम्बिनी ११, साउनः लुम्बिनी प्रदेशका मुख्यमन्त्री चेतनारायण आचार्यले बुद्धका शिक्षालाई व्यावहारिक कूटनीतिक अभ्यासमा रूपान्तरण गर्नु आजको आवश्यकता भएको बताउनुभएको छ । ‘कूटनीति र बुद्धका शिक्षाः विश्व शान्ति तथा दिगो विकासतर्फको मार्ग’ विषयक अन्तरराष्ट्रिय सङ्गोष्ठीको आज लुम्बिनीमा उद्घाटन गर्दै मुख्यमन्त्री आचार्यले गौतम बुद्धको शिक्षा द्वन्द्वभन्दा संवाद, प्रतिस्पर्धाभन्दा सहयोग र द्वेषभन्दा मित्रता निर्वाह गर्ने मूल्यमान्यतामा आधारित रहेको बताउनुभयो । उहाँले भन्नुभयो, “बुद्धका शिक्षाले अन्तरराष्ट्रिय कूटनीतिमा दीगो शान्ति, आपसी सम्मान र समताको भावना स्थापित गर्न महत्वपूर्ण भूमिका खेल्नसक्छ ।” मुख्यमन्त्री आचार्यले लुम्बिनीलाई केबल धार्मिकस्थलका रूपमा नभई मानवता, सहिष्णुता र अहिंसाको प्रतीकका रूपमा चिनाउनुपर्ने आवश्यकता औँल्याउनुभयो । “लुम्बिनी विश्वशान्तिको सन्देश फैलाउने केन्द्र हो, यस्ता अन्तरराष्ट्रिय सम्मेलनहरूबाट यसको कूटनीतिक महत्व अझ विस्तार हुन्छ”, उहाँले भन्नुभयो । नेपाल–भारत सम्बन्ध ऐतिहासिक, सांस्कृतिक र धार्मिक रूपले अन्योन्याश्रित रहेको उल्लेख गर्दै उहाँले बुद्ध धर्म, भाषा, लिपि, परम्परा र दर्शनको साझा आधारमा दुई देशबीचको सम्बन्ध अझ प्रगाढ बनाउन शिक्षा, अध्ययन, अनुसन्धान तथा सांस्कृतिक सहकार्यलाई सशक्त माध्यमका रूपमा प्रयोग गर्न सकिने धारणा राख्नुभयो । उहाँले लुम्बिनीको समग्र विकासका लागि प्रदेश सरकारले अघि सारेको ‘लुम्बिनी विकास प्राधिकरण’ अवधारणाले कपिलवस्तुदेखि रामग्रामसम्म फैलिएको सम्पूर्ण बौद्ध सम्पदाको संरक्षण, सम्वद्र्धन र प्रवद्र्धनमा सघाउ पु¥याउने विश्वास व्यक्त गर्नुभयो । मुख्यमन्त्री आचार्यले बौद्ध अध्ययनको शैक्षिक विस्तारका लागि लुम्बिनी बौद्ध विश्वविद्यालयको पहल सराहनीय रहेको उल्लेख गर्दै भविष्यमा नेपाल–भारत बौद्ध सांस्कृतिक आदानप्रदान…
पूरा पढ्नुहोस् ...
सुक्खा पहिराले बेनी–जोमसोम सडकमा आवतजावत रोकियो

सुक्खा पहिराले बेनी–जोमसोम सडकमा आवतजावत रोकियो

म्याग्दी, ११ साउन : जिल्लाको उत्तरी क्षेत्र हुँदै पर्यटकीय जिल्ला मुस्ताङलाई राष्ट्रिय राजमार्गसँग जोड्ने बेनी–जोमसोम सडक अवरुद्ध भएको छ । म्याग्दीको अन्नपूर्ण र मुस्ताङको थासाङ गाउँपालिकाको सिमानामा रहेको घोप्टेभिरमा खसेको सुक्खा पहिरोका कारण आज बिहानदेखि आवतजावत अवरुद्ध भएको हो । बिहान पहिरो खसेपछि अवरुद्ध बनेको सडक खुलाउन सडक विभागको उपकरण परिचालन भएको सप्मा प्रहरी चौकी घाँसाका प्रमुख प्रहरी सहायक निरीक्षक तेजबहादुर कुमालले जानकारी दिनुभयो । सडक अवरुद्ध हुँदा मुस्ताङ जिल्लाको सिधा यातायात सम्पर्क टुटेको छ । प्रतिकूल मौसमका कारण पोखरा–जोमसोम हवाई सेवा बन्द छ । स्थानीयवासीका साथै मुस्ताङ घुम्न जाने र फर्कने पर्यटक प्रभावित भएका छन् । मुस्ताङतर्फ जानेहरू म्याग्दीको काभ्रे र मुस्ताङ हुँदै म्याग्दीतर्फ आउनेहरू घाँसामा रोकिएका छन् ।
पूरा पढ्नुहोस् ...
क्वारेनटाइनको निर्माण नहुँदा निकासी पैठारी शून्य

क्वारेनटाइनको निर्माण नहुँदा निकासी पैठारी शून्य

नवलपुर (नवलपरासी), ११ साउन : छ वर्ष अगाडि मूल भन्सारमा स्तरोन्नति भएको त्रिवेणी भन्सार कार्यालय नाम मात्रको ‘मूल भन्सार’ बनेको छ । भारतसँग सीमा जोडिएको गण्डकी प्रदेशकै एकमात्र यस भन्सारमा आवश्यक पर्ने क्वारेनटाइनको निर्माण नहुँदा हालसम्म निकासी पैठारी हुनसकेको छैन । विसं २०७६ फागुनमा मूल भन्सारको मान्यता पाएको नवलपरासी (बर्दघाट–सुस्तापूर्व)को विनयी त्रिवेणी गाउँपालिका–७ मा रहेको यस भन्सारमा हालसम्म क्वारेनटाइन निर्माण हुन नसक्दा मालसामान निकासी पैठारी शून्य छ । फागुन २०७६ अगाडि यस भन्सार भैरहवा भन्सार कार्यालयको छोटी भन्सारको रूपमा रहेको थियो । सङ्घीय सरकारको निर्णयअनुसार मूल भन्सारको मान्यता पाएको यस भन्सारमा आवश्यक पूर्वाधार निर्माण हुन नसक्दा भारततर्फ पठाउने मालसामान र भारतबाट नेपाल भित्रिने मालसामानको अवस्था शून्य रहेको भन्सार कार्यालयले जनाएको छ । त्रिवेणी भन्सार कार्यालयका प्रमुख भन्सार अधिकृत रामराजप्रसाद चौरासियाले भन्सारको स्तरोन्नतिसँगै यहाँ प्लान्ट क्वारेनटाइन, खाद्यान्न क्वारेनटाइन, पशु क्वारेनटाइनलगायत पूर्वाधार निर्माण हुनुपर्नेमा त्यस्तो हुन नसकेको जानकारी दिनुभयो । “पहिला छोटी भन्सारका रूपमा रहेको त्रिवेणी भन्सारलाई मूल भन्सार बनाइयो”, उहाँले भन्नुभयो, “मूल भन्सारलाई आवश्यक पर्ने पूर्वाधार निर्माण नहुँदा गाडीको अस्थायी नम्बर पैठारी दिनेबाहेकका सेवा हामीले दिनसकेका छैनौँ ।” क्यारेनटाइन नहुँदा त्रिवेणी भन्सार पर्यटक नाकाका रुपमा मात्र रहेको अधिकृत चौरासियाको भनाइ छ । “भारतबाट नेपाल घुम्न आउने पर्यटकका सवारीसाधनलाई अस्थायी नम्बर दिनेबाहेकका अरु काम हामीले पाएका छैनौँ”, उहाँले भन्नुभयो, “भारततर्फ बाल्मीकि नगरमा…
पूरा पढ्नुहोस् ...
कानुनको अभावमा विद्युतीय फोहर व्यवस्थापनमा समस्या

कानुनको अभावमा विद्युतीय फोहर व्यवस्थापनमा समस्या

काठमाडौँ, १० साउन : विद्युत् र इन्धन प्रयोग गरी सञ्चालन गरिने उपकरणबाट निस्कने फोहर व्यवस्थापनमा कानुनी व्यवस्थाको खाँचो औँल्याइएको छ । विद्युतीय सामग्री उत्पादक कम्पनी र आयातकर्तालाई नै त्यस्ता सामग्री बिग्रिएपछि उत्पादन हुने फोहर व्यवस्थापनमा जिम्मेवार बनाउने कानुनी प्रावधान आवश्यक रहेको डोको रिसाइक्लर्स प्रालिका प्रमुख कार्यकारी निर्देशक पंकज पञ्जियारको तर्क छ । उत्पादककर्ताले बजारमा आफ्ना उत्पादन पठाएपछि निस्कने फोहर व्यवस्थापनको जिम्मेवारी सिद्धान्ततः सोही कम्पनीकै भएकाले बाध्यात्मक कानुनी व्यवस्थासहित उचित प्रबन्ध मिलाउन सरकारलाई डोको प्रालिको सुझाव छ । विद्युतीय मात्र नभई प्लास्टिकजन्य फोहर मानव स्वास्थ्य र वातावरणका हिसाबले हानिकारक मानिन्छ । कुनै प्लास्टिक उद्योगले नेपालमा पाँच हजार टन उत्पादन गरेमा त्यसको पुनःप्रशोधन वा नष्ट गर्नेसम्मको जिम्मेवारी सोही कम्पनीको दायित्व रहने कानुनी प्रावधान हुनुपर्ने वातावरण संरक्षणकर्मीको धारणा छ । उचित व्यवस्थापनको जिम्मा उत्पादक कम्पनीलाई दिँदा ठूलो दायित्व नपर्ने उनीहरुको भनाइ छ । विद्युतीय फोहरबाट वातावरण संरक्षणमा प्रत्यक्ष असर परिरहेको अवस्थामा कानुनी प्रावधानसहित व्यवस्थापनसम्बन्धी कानुनी व्यवस्था गर्न सकिएमा वातावरण संरक्षणमा सहयोग पुग्ने विश्वास गरिएको छ । डोको रिसाइक्लर्सलगायत कम्पनीले ‘नयाँ धारणा, स्वच्छ सपनाः फोहर छुट्याउने हाम्रो चाहना’ नाराका साथ फोहर व्यवस्थापन अभियान सञ्चालन गर्दै आएका छन् । नेपालमा यस विषयमा बहस सुरु भए पनि त्यसले कानुनीस्वरुप पाउन नसकेकाले अझै चुनौतीपूर्ण रहेको डोकोका निर्देशक पञ्जियारले बताउनुभयो । हालसम्म आफूखुसी यस्ता कार्यक्रम गरिए पनि कानुनी…
पूरा पढ्नुहोस् ...
रवि लामिछानेका पक्षमा झण्डै २५ लाख हस्ताक्षर संकलनः साउन ५ गतेबाट देशभर घरदैलो अभियान

रवि लामिछानेका पक्षमा झण्डै २५ लाख हस्ताक्षर संकलनः साउन ५ गतेबाट देशभर घरदैलो अभियान

काठमाडौं, १ साउन २०८२- राष्ट्रिय स्वतन्त्र पार्टी (रास्वपा) ले पार्टी सभापति रवि लामिछानेको पक्षमा हालसम्म झण्डै २५ लाख नागरिकको हस्ताक्षर संकलन भएको जानकारी गराएको छ । बिहीबार काठमाडौंको बनस्थलीस्थित पार्टी कार्यालयमा आयोजित पत्रकार सम्मेलनमार्फत रास्वपाले लामिछानेविरुद्ध राज्यद्वारा राजनीतिक प्रतिशोध साँधिएको आरोप लगाउँदै चलाएको अभियानमा हालसम्म २४ लाख ५७ हजार ६१८ जना नागरिकको समर्थन जुटेको दाबी गरेको हो । पार्टीका नेता दीपक बोहराका अनुसार गत ७ असारदेखि सुरु गरिएको यो हस्ताक्षर अभियान अब गाउँ-गाउँ, टोल-टोल पुर्‍याउने तयारीमा छ । रास्वपाले साउन ५ गतेबाट देशभर घरदैलो अभियानमार्फत जनस्तरसम्म यो अभियान लैजाने कार्यक्रम तय गरेको जनाएको छ । रास्वपाका अनुसार लामिछानेको समर्थनमा देशभरका प्रदेश, जिल्ला, पालिका हुँदै वडा तहसम्म हस्ताक्षर संकलन कार्य भइरहेको छ भने विदेशमा समेत नेपाली समुदायबाट अभियान सञ्चालन भइरहेको छ । पार्टीको भनाइअनुसार नेपाल भारत सीमावर्ती नाकाहरु काकडभिट्टा, रक्सौल, जोगबनी, बेलहिया, जमुनाह, गड्डाचौकी लगायत विमानस्थल, बसपार्क र सार्वजनिक स्थलहरुमा ऐक्यबद्धता डेस्क स्थापना गर्दै अभियानलाई थप विस्तार गर्ने वताएको छ । आगामी उपचुनाव हुन लागेको रुपन्देही-३ का सबै ३६ वटै वडामा बुथस्तरबाट अभियान सञ्चालन गर्ने तयारी समेत रास्वपाले गरेको जनाएको छ । रास्वपाका अनुसार हालसम्म प्रदेशगत संकलित हस्ताक्षर संख्या यस प्रकार रहेको छःबागमती प्रदेश : ६ लाख ३९ हजार ८६गण्डकी प्रदेश : ४ लाख ३९ हजार ७२३लुम्बिनी प्रदेश : २ लाख…
पूरा पढ्नुहोस् ...
गुल्मीको कालिगण्डकी करिडोर सडकमा पहिरोका कारण सवारी आवागमन प्रभावित, एकतर्फी रूपमा सञ्चालन

गुल्मीको कालिगण्डकी करिडोर सडकमा पहिरोका कारण सवारी आवागमन प्रभावित, एकतर्फी रूपमा सञ्चालन

गुल्मी, ३२ असार २०८२, गुल्मीको प्रमुख सडकमध्ये एक मानिने कालिगण्डकी करिडोर सडक दुई दिनपछि पुनः सञ्चालनमा आएको छ । आइतबार बिहानदेखि बन्द रहेको सो सडक आज अपराह्नदेखि एकतर्फी रूपमा सञ्चालनमा आएको हो । कालिगण्डकी गाउँपालिका वडा नं १ गरगरे र वडा नं ६ बरल्वा आसपासको सडकखण्डमा अविरल वर्षासँगै चट्टानसहित ठूलो पहिरो खस्दा सडक पूर्ण रूपमा अवरुद्ध भएको थियो । त्यसपछि जिल्ला प्रहरी कार्यालय गुल्मीको समन्वयमा कालीका कन्ट्रक्सन प्रालिद्वारा डोजर र स्काभेटर प्रयोग गरी लगातार दुई दिनसम्म पहिरो हटाउने काम गरिएको थियो । जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक गङ्गा बहादुर सारुका अनुसार वर्षाका कारण पहिरो ठूलो र चट्टानसहित खसेकाले हटाउन लामो समय लागेको हो । हाल सडक एकतर्फी सञ्चालनमा आए पनि जोखिम अझै बाँकी रहेकाले आवतजावत गर्दा विशेष सतर्कता अपनाउन आग्रह गरिएको छ । कालिगण्डकी गाउँपालिका गुल्मीका अध्यक्ष वेद बहादुर थापाले यस सडकखण्डमा यात्रा गर्दा आवश्यक सुरक्षाका उपाय अवलम्बन गर्न सर्वसाधारणलाई अनुरोध गरेका  छन् । वर्षायाम सुरु भए सगै कालीगण्डकी करिडोर सडक पटक–पटक अवरुद्ध हुँदै आएको छ । यस सडकखण्ड अवरुद्ध हुँदा गुल्मी, पाल्पा, बागलुङ हुँदै बुटवल, पोखरा र अन्य गन्तव्यहरूमा आवतजावतमा समस्या आइपर्ने गरेको छ । सुरक्षा निकाय र निर्माण कम्पनीको पहलमा तत्काल समस्या समाधान गरिएको भए पनि आगामी दिनमा अझ बढी सतर्कता र पहिरो जोखिम…
पूरा पढ्नुहोस् ...
कारागारबाट रवि लामिछानेको अपिल – ‘मलाई सिध्याउन भयानक षड्यन्त्र रचे’ म सँग हाडछाला र एकमुठी प्राण मात्र बाँकी छ

कारागारबाट रवि लामिछानेको अपिल – ‘मलाई सिध्याउन भयानक षड्यन्त्र रचे’ म सँग हाडछाला र एकमुठी प्राण मात्र बाँकी छ

आदरणीय आमा–बुवा, दाजु–भाइ तथा दिदी–बहिनीहरु,नमस्कार, जय घण्टी  । पार्टी स्थापनाको तेस्रो वर्ष पुगेको यसबेला म यो अपील ९७२५ नम्बरको थुनुवाका रुपमा भैरहवा कारागारबाट पठाएको छु आशा छ कुनै न कुनै माध्यम र तरिकाबाट तपाईहरु बीच पुग्ने छ । तपार्इँहरूले मलाई दुई–दुईपटक कीर्तिमानपूर्ण मतका साथ संसदमा पुर्याउनुभयो । भर्खर जन्मिएको राष्ट्रिय स्वतन्त्र पार्टीलाई करिब बाह्र लाख मत दिनुभयो । त्यो मतले झस्केकाहरू चितवन र तनहुँको उपचुनावको परिणामले झन् तर्सिए । स्वस्थ र प्रजातान्त्रिक विधिबाट रास्वपासँग अब राजनीतिक प्रतिस्पर्धा गर्न सकिन्न र लुटको स्वर्ग भत्कन्छ भन्ने निष्कर्षमा पुगेपछि यिनीहरू मविरुद्ध षड्यन्त्रमा लागे । त्यो षड्यन्त्र कति भयानक थियो र त्यसमा ककसलाई कसरी प्रयोग गरियो, सिङ्गो राज्यको कसरी दुरुपयोग भयो, तपाईँहरूले आफ्नै आँखाले देखिरहनुभएको छ  । तपाईँहरूलाई थाहै छ, म कसैमाथिको कुनै पनि अन्यायमा नबोली बस्न नसक्ने मान्छे हुँ । बोलेरै विश्वकीर्तिमान राखेको मान्छे पनि हुँ  । तर, यिनीहरूले यस्तो जाल थापे कि, आफैंमाथिका अपराध र अन्यायमा पनि म बोल्न सकिन । मेरा कानून व्यवसायीले निरन्तर भनिरहनु भयो, तपाईँ देशकै सबैभन्दा ठूलो आपराधिक गिरोहसँग न्यायिक लडाइँ लड्दै हुनुहुन्छ, एउटै आवेगपूर्ण वाक्यलाई दुरुपयोग गरेर यिनीहरूले थप कानूनी झमेलामा फसाउन सक्छन्, त्यसैले तपाईँ बोल्न हुँदैन । चार जिल्ला, चार उच्च र पछि सर्वोच्चसम्म गरेर नौ–नौवटा अदालतमा (अब त पर्सा जिल्ला अदालत पनि थपियो) मुद्दा झुण्ड्याइएको…
पूरा पढ्नुहोस् ...
दिलभूषण पाठकलाई पक्राउ नगर्न उच्च अदालतको आदेश

दिलभूषण पाठकलाई पक्राउ नगर्न उच्च अदालतको आदेश

२ असार, काठमाडौं । पत्रकार दिलभूषण पाठकलाई पक्राउ नगर्न उच्च अदालत पाटनले अल्पकालीन अन्तरिम आदेश जारी गरेको छ । न्यायाधीश ऋषि राजभण्डारीको एकल इजलासले पाठकलाई पक्राउ नगर्न भन्दै आदेश जारी गरेको हो । विद्युतीय कारोबार (साइबर अपराध) मुद्दामा प्रकाउ गरी अुनसन्धान गर्न नेपाल प्रहरीको साइबर ब्यूरोले जिल्ला अदालतबाट अनुमति लिएको थियो । आफूलाई गैरकानूनी रुपमा पक्राउ गर्न खोजिएको भन्दै पत्रकार पाठक उच्च अदालत पाटन पुगेका थिए । प्रारम्भिक सुनुवाइपछि नै उच्च अदालतले उनलाई पक्राउ नगर्न अल्पकालीन आदेश दिएको हो । वरिष्ठ अधिवक्ता दिनेश त्रिपाठीका अनुसार, तत्कालका लागि पत्रकार पाठकको पक्राउ रोकिएको छ । ‘तत्काललाई गिरफ्तार गर्न पाएन । ५ गते बहस हुन्छ ,’ उनले भने, ‘यसपछि अदालत जुन निष्कर्षमा पुग्छ त्यही अनुसार हुन्छ । अहिलेलाई गिरफ्तारी रोकियो ।’
पूरा पढ्नुहोस् ...
हावाहुरीले रुख ढल्दा च्यापिएर सुनवलमा २ जनाकाे ज्यान गयाे

हावाहुरीले रुख ढल्दा च्यापिएर सुनवलमा २ जनाकाे ज्यान गयाे

काठमाण्डाै – पश्चिम नवलपरासीको सुनवल नगरपालिका–७ चारपालाको भित्री सडक खण्डमा हवाहुरीले रुढ ढल्दा च्यापिएर दुई जनाको ज्यान गएको छ । हावाहुरी छल्न सडक छेउको प्रतीक्षालयमा बसेको समयमा बर्रोको रुख प्रतीक्षालयमाथि ढल्दा अन्य तीन जना घाइते भएका जिल्ला प्रहरी कार्यालय पश्चिम नवलपरासीले जनाएको छ । रुखले च्यापिएर ज्यान गुमाउनेहरूमा सुनवल–७ चारपाला बस्ने ३० वर्षीया मीरा बयम्बु र ४० वर्षीय दुर्गाबहादुर पुन रहेका छन् । यस्तै घटनामा चारपालाकै ४० वर्षीया नरमति परियार, ५० वर्षीया दुर्गेश्वरा खाम्चा मगर र २२ वर्षीय अनिल थापा घाइते भएका छन् । घाइतेहरूको देवदह मेडिकल कलेज भलुहीमा उपचार भइरहेको जिल्ला प्रहरी कार्यालयका डीएसपी वीरदत्त पन्तले जानकारी दिनुभयो । अहिले काठमाण्डाै उपत्यकासहित देशका विभिन्न ठाउँमा हावाहुरी चलिरहेकाे छ ।
पूरा पढ्नुहोस् ...
No widgets found. Go to Widget page and add the widget in Offcanvas Sidebar Widget Area.